vah mere saamane khadee thee, aasamaan se utaree kisee paree kee tarah. meree najaron ko jaise usane kaid kar liya tha. main use ghoore ja raha tha. achaanak haath se chaay ka glaas chhootane par main sakapakaaya aur ek najar usane bhee mujhe dekha. chaay kee dukaan vaale se glaas ke paise kaat lene kee baat kahate hue mai vaapas use dekhane laga. badee khoobasoorat subah thee vah. apane paapa ke saath hotal se jalebee lene aaee thee vah. kuchh pal baad vo apane paapa ke saath chalee gaee par main us hotal mein kuchh udhaar kar aaya tha. shaayad usake khyaalon ka udhaar tha
isalie ab roj vahaan jaane laga tha.
roj vo aatee. main use jee bhar ke dekhata aur donon ke beech ek anakahee baatacheet hotee par main kabhee apanee aankhon kee jubaan ko laphj na de saka. padhaee pooree ho gaee aur main ek kolej mein prinsipal ban gaya. ek roj usee kolej mein haathon mein mehandee lagae usee paree ko ek bachche ko le jaate dekha.dil ne kaha, ek baar himmat karake apane dil kee baat use bata hee denee chaahie. lekin hichak bhee thee. main use ekatak dekhe ja raha tha. vo mujhase dheere-dheere door ja rahee thee. main tejee se usakee or bhaaga, usake kuchh door pahunchane se pahale hee vah peechhe mudee. main vaheen ruk gaya. vo mere paas aaee. meree saanse tej ho gaee theen. vah bolee, tumhen pyaar ka izahaar karana nahin aata. dil jodana nahin aata. shaayad gilaas todane vaale kabhee dil tootane kee aavaaj nahin sun paate hain. unhen dil ka tootana bhee gilaas tootane jaisa hee lagata hai. itana kahakar vo chal dee. thoda chalakar phir mudee. bolee, kaash! tumhen pyaar ka izahaar karana aata.
