Love Story- pyaar kee ek kahaanee suno

beshak mere kahaanee ka sheershak ek gaane kee lain par aadhaarit hai magar hai yah ek sachchee prem kahaanee hai, to 🙂

pyaar kee ek kahanee suno

ek ladaka tha ek ladakee thee

ek samay kee baat hai, sardiyon ke din the. kadakatee sardiyon ke din ghar ke baahar barph gir rahee thee. chaaron aur sab kuchh barph se dhaaka hua tha ghar kee chhaten safed doodhiya ruee ke jaisee barph se dhak chukee thee. saare pedon se lekar hare maidaanon tak, sab kuchh saaph, safed, barph kee ujalee chaadar se dhaaka hua tha. jaise prakrti ne mausam ke svaagat ke lie ek saaph, safed barph kee chaadar bichhaee ho, aise mausam mein sabhee bachche kot, gamboot aur dastaane pahane hue barph mein khel rahe the. ek doosare ko barph ke gole bana-bana kar maar rahe the. khushee se utsaahit ho rahe the. unakee aavaaj mein unaka utsaah saaph dikhaee aur sunaee de raha tha. unamen se do bachche (snow man ) banaate -banaate aapas mein baat kar rahe the. jinamen se ek ladaka tha aur ek ladakee thee. donon ek doosare se kah rahe the, ki dekho mainne apane barph ke aadamee (snow man ) ko kaalee topee pahanaee hai, to doosare ne kahaan mainne apane barph ke aadamee (snow man ) ko laal rang ka mafalar pahanaaya hai. donon hee bachche bahut khush aur bahut hee jyaada utsaahit lag rahe the. vahee paas kee khidakee mein ek vivaahit joda khada un bachchon ko bahut khushee se dekh raha tha, ki tabhee us vivaahit dampatti mein se jo pati tha, usane kaha suno priy yah bachche barph mein khelate hue kitane achchhe lag rahe hai na!!!

प्यार की एक कहानी सुनो .....

jaise hamaara bachapan laut aaya ho, kaash hamaare bhee ek ladaka aur ek ladakee hotee. tab patnee kee aankhon mein aansoo aa jaate hai aur vo bade bhaaree man se kahatee hai. kaash hame bhee bhagavaan ne aisee pyaaree see do santaane dee hotee to kitana achchha hota. pati se apanee patnee ki yah vyatha dekhee nahin jaatee. vah us baare mein man-hee-man vichaar karate hue phir unheen bachcho ko dekhane lagata hai. tabhee achaanak usake man mein ek khyaal aata hai. vo apanee patnee se kahata hai, chalo priy aaj ham bhee in bachchon ke saath bachche ban jaaye aur phir se ek baar apana bachapan jee len. patnee ke honto par muskuraahat aatee hai aur vo musukura kar kahatee hai. yah aaj aap ko ho kya gaya hai. pati kahata kuchh nahin bas aaj bachcha ban jaane ko dil kar raha hai. usake baad donon kot, dastaane aur gamabut pahan kar baahar aate hai aur sochane lagate hai, barph mein aato gae hai. magar karane kya? kaise maza len is barpheelee magar ruee see safed jagamagaatee huee barph ka,phir kuchh der sochane ke baad, pati kahata hai apanee patnee se chalo priy aaj ham barph se ek ladaka aur ek ladakee banaate hai. aisa kah kar donon us ruee see komal, phusaphoosee barph se bachchon kee moorti banaane mein jut jaate hai. pati banaata hai ek chhotee see, pyaaree see ladakee aur patnee banatee hai, ek chhota sa pyaara sa ladaka. donon kaam poora karane ke baad ek saath khade hokar ek gaharee saans bharate hue apane us barph se banae hue bachchon ko aasha bharee nigaahon se nihaarate hue ekatak hokar dekhane lagate hai.

Leave a Comment